Üzgüçülük ― bədən üzvlərinin suda hərəkəti təmin etməsi ilə baş tutan idman növü. Fərdi, yaxud komanda səviyyəsində həyata keçirilən yarış və ya məşqlər halında

Üzgüçülük
Üzgüçülük
	Vikianbarda əlaqəli mediafayllar

Üzgüçülük ― bədən üzvlərinin suda hərəkəti təmin etməsi ilə baş tutan idman növü. Fərdi, yaxud komanda səviyyəsində həyata keçirilən yarış və ya məşqlər halında məşğul olmaq mümkündür.

Tarixi

İdman üzgüçülüyü XX əsrin əvvəllərində məhz o, zamanlar Bakıda ilk şəhər çimərliyi (kupalni) açılır. Burada 1910-cu ildə gimnastika müəllimi V.Qrjibovski Bakı gimnaziyası və realni məktəbinin şagirdləri üçün üzgüçülük məktəbi təşkil edir. Məlumatlara görə, artıq 1912-ci ilin yayında dənizkənarı bulvarda Bakı gimnaziyasının şagirdləri Xəzər dənizində “böyrü üstə” üsulu ilə 48 kilomətri 24 saat 10 dəqiqəyə üzmüş fransız dili müəllimləri Leonid Romençenkonu salamlayırdılar. Bu o iillər üçün çox böyük nəticə sayılırdı. 1913–ildə Bakı üzgüçülük məktəbində 200-dən çox adam bu idman növü ilə məşğul olurdu.

1925 ci–ildə Bakının qara şəhər adlanan rayonunda birinci su stansiyası yaranır. 1925-ci ilin yayında keçirilən birinci Respublika su bayramında yüzlərlə iştirakçı və minlərlə tamaşaçı iştirak edirdi. Proqrama kütləvi dəniz üzgüçülüyü daxil edilmişdir.

3 iyun 1925-ci ildə keçmiş kommunist bolşeviklər partiyasının bədən tərbiyəsi və idmanın inkişafı məsələsinə dair çıxardığı qərar Azərbaycanda üzgüçülüyün inkişafına böyük təkan verdi. Bu özünü 1928–ci il avqust ayında Moskvada keçirilən 1 Ümumittifaq spartakiadasında əyani sürətdə nümayiş etdirdi. Spartakiadanın proqaramına daxil edilmiş üzgüçülük növü üzrə bütün o zamanki sovet respublikalarından gəlmiş 500-dən artıq idmançını cəlb etmişdi. Bu yarışda tərkibi bütövlükdə bakılılardan ibarət olan Zaqafqaziya yığma komandası 3-cü yeri tutmuşdu. O vaxt ölkənin ən yaxşı üzgüçüləri sırasına əməkdar idman ustası, bakılı Aleksandr Kozırev daxil idi. O ixtisasca çilingər idi.

Növləri

Sərbəst
Belüstü
Qurbağa
Kəpənək

Faydaları

Əhalinin bütün yaş qruplarına xitab edən və zədələnmə riskinin olduqca az olduğu üzgüçülük idmanı mütəmadi məşğul olunduğu təqdirdə qan-damar sistemini möhkəmləndirir, əzələləri gücləndirir, bədən elastikliyini artırır və bədəndə stress səviyyəsini aşağı salır. Üzgüçülük xroniki yorğunluğu aradan qaldırmağa, eləcə də yuxu rejimini tənzimləməyə kömək edir.