Çin püstəsi (lat. Pistacia chinensis) — bitkilər aləminin sabunağacıçiçəklilər dəstəsinin anakardiumkimilər fəsiləsinin püstə cinsinə aid bitki növü.

Çin püstəsi təbii olaraq, təpə və dağ meşələrdə, daşlı torpaqlarda, dəniz səviyyəsindən 100-3600 metrə hündürlükdə olan ərazilərində böyüyür. Onu Qitə Çini (ən şimali və ən qərbi hissələrindən istisnası ilə) və Tayvanda tapmaq olar.

İkievli bitkidir. 5 m hündürlüyündə həmişəyaşıl, enli çətirli ağac və ya koldur. Gövdəsinin qabığı tünd rənglidir. Yarpaqları növbəli, cütlələkvaridir. Yaşılımtıl çiçəkləri xırda, sıx salxımşəkilli çiçək qrupuna toplanmışdır. Meyvələri 4–5 mm uzunluğunda çəyirdəkmeyvədir, ucu itidir. Abşeronda oktyabr-noyabr aylarında çiçəkləyir, meyvələri aprel-may aylarında yetişir. Toxumla çoxaldılır.

Şaxtaya davamsızdır, Abşeronun sərt şaxtalarında yerüstü hissəsi məhv olur, aprel-may aylarında yenidən bərpa olunur.

Mərdəkan dendrarisində 2009-cu ildə introduksiya olunmuşdur. Abşeronda mədəni şəraitdə becərilir.

Abşeronda dekorativ bitki kimi yaşıllaşdırmada istifadə edilir. Erkək ağacdan qatran alınır. Mastikada 90%-dək rezin, qatran turşuları və 1-3% efir yağı vardır. Efir yağında pinen vardır ki, ondan diş plomblarının hazırlanmasında və yara sağaldan vasitə kimi həlimindən istifadə edilir.

• Pistacia chinensis subsp. chinensis
• Pistacia chinensis subsp. integerrima (J.L.Stewart) Rech.f.